280天 懷孕 孕育生命之旅

懷孕35週 – Esther:盼女兒在複雜的環境裡做個簡單的人

懷孕 後期

Esther帶著肚裡面35週的女兒Karis來到Miris Mama,踏入懷孕後期的她正以最佳狀態等待寶貝女出生。而且她和老公十分恩愛,由拍拖、結婚到生BB都有圓滿計劃:「拍拖嗰時我同老公講,如果唔要小朋友就幾時結婚都無所謂;因為我媽咪係高齡產婦,佢話如果要小朋友就早啲喇;有啲人話無錢點有小朋友,媽咪就話有無錢睇你點安排,佢好支持我。我就同老公講想要就早啲PLAN定,咁我哋計劃想生兩個。」

作為一位八十後準媽媽,Esther慨嘆現今香港比自己以前的成長環複雜很多,只盼女兒可以成為一個簡單善良的人:「希望佢可以保持佢活潑,同埋一個小朋友天真嘅性格,唔好畀周圍嘅壓力令到佢扭曲咗。」說到這裡Esther已不禁哽咽起來。有時壓力不一定來自生活本身,也可能是對生存環境的不安與無力感,令「期望」在這個社會都變成了壓力:「我只係希望BB健康、聽話,喺屋企少少曳OK,但出街時要乖乖哋,因為而家香港地方好窄,好容易會整到人或者整到佢自己,出街要聽話唔好滋擾到人哋;因為而家啲小朋友好似唔太受控制,可能因為太多物質。讀書方面,希望揀啲無咁多內地小朋友嘅地區,想佢講返廣東話,好似我哋細個嘅環境咁,盡量自然啲。」

懷孕 水腫

社會發展、科技進步,令很多小朋友失去了應有的童真,讓人無奈又無力:「我哋想越遲畀佢接觸電子產品就越好,最大問題唔係電視機,反而係智能手機同埋平板電腦。大家周圍個氣氛營造到啲小朋友要贏在起跑線,我同老公都覺得小朋友應該有得玩就畀佢玩,但係要教識佢自律,長遠宗旨就係佢天真、活潑、健康就足夠。」言談間不難發現,Esther是一個十分善良的人,這份善良在現今香港社會買少見少,她希望女兒都能繼承下去:「想佢做一個識得關心人嘅小朋友,唔好淨係諗住自己,因為太多環境因素令佢覺得好需要競爭、爭取表現;我哋想佢顧及人哋多啲先。」

雙腳易水腫 孕婦按摩有助舒緩

Esther自言體質好,懷孕期間沒有太大不適,連孕吐也沒有;不過都有驚險時刻:「啱啱過3個月時有少少出血,開頭以為無咩嘢,但其實懷孕期間見紅係唔好嘅徵兆,加上嗰時啱啱去完旅行返嚟,都擔心佢有無事,咁就去咗醫院留醫,好彩後尾CHECK咗佢無事先放心返。」

由於右腳有舊患,Esther懷孕後最大的問題就是雙腳水腫及容易疼痛,卻不知道該如何舒緩:「懷孕呢段時間都無咩可以做到,只可以拉筋,頭先按摩師都話我右邊特別腫。」第一次體驗Miris Mama皇牌孕婦專屬按摩護理的Esther大讚按摩之後雙腳舒服了很多:「按腰同腳係最舒服嘅,因為我腳本身易水腫,按完就即刻鬆咗,條褲著落去都無咁緊。」

孕婦 按摩


香港孕婦按摩資訊及價目表:https://goo.gl/yZiqJL

Miris Mama孕婦產後修身按摩專門店 優惠查詢及預約專線|6840 0488

Miris Mama孕婦產後修身按摩專門店 地址
銅鑼灣|尖沙咀|旺角|荃灣

Miris Mama銅鑼灣
銅鑼灣羅素街38號金朝陽中心38樓全層(港鐵A出口)

Miris Mama尖沙咀
尖沙咀加連威老道2-6號愛賓商業大廈15樓全層(港鐵B1出口)

Miris Mama旺角
旺角彌敦道580A-580F周大褔商業中心7樓全層(油麻地港鐵A2出口)

Miris Mama荃灣
荃灣眾安街68號荃灣千色匯1期22樓01-02室(港鐵B2出口)