280天 懷孕 孕育生命之旅

[fb_button]

懷孕22週 – Suki Cheung:拒絕棄養 毛孩和寶寶都是家人

280天 懷孕 孕育生命之旅 拒絕棄養

健身教練Suki來到Miris Mama體驗孕婦按摩,擁有健美身形的她看來完全不像懷胎22週,可說是一位Fit爆準媽媽。Suki和同是健身教練的老公都十分喜歡小朋友,家中早已有6個來自喵星的毛孩子,一直視如己出。這次Suki懷孕為家裡再添新成員,夫婦二都感到特別開心和期待。

開心和期待的心情之中,Suki都有一些壓力需要面對;因為自懷孕後,多次被長輩及朋友勸說放棄毛孩,但Suki無論如何都堅拒:「因為我皮膚比較容易敏感,平時太多貓毛都會搞到我又紅又痕,懷孕之後更加多人叫我唔好養,但佢哋係我嘅屋企人,無論如何我都唔會放棄。」有人認為孕婦養貓會令BB感染弓漿蟲,事實上感染機率微乎其微:「前提係隻貓有感染,仲要佢啲便便放咗幾日無清理,咁啲蟲卵先有機會孵化,然後仲要你食咗佢啲便便,啲弓漿蟲先有機會入到去你身體囉。」Suki指出,家中有毛孩有助增強寶寶對致敏原的免疫力,而且可以培養小朋友的愛心。她呼籲大家多點常識,不要棄養:「就算BB出咗世我都唔會唔要啲貓,不過我個仔一定好曳,要貓哥哥貓姐姐就吓佢。」

談到家中貓咪,Suki變得雀躍起來,笑指牠們很有靈性,好像知道自己快要成為哥哥姐姐,變得特別乖巧,也特別黏人,似乎是想要保護她腹中的小寶寶:「本身養咗幾年啲貓都好少會主動黐住我,但係由懷孕10至12週開始,佢哋好似逐隻發現我有咗咁,會排住隊黐住我個肚,喺我個肚上面瞓覺,唔夠位就坐喺我大髀,排到落地下咁,好搞笑!」

肌肉繃緊兼脊椎側彎 孕婦按摩助全身放鬆

懷孕前一直有在高溫下教運動的Suki,知道自己懷孕後就停了工作:「因為高溫對BB唔好,所以停晒啲班,唞咗3個月,之後就接啲freelance教練做,喺返室溫度教,一星期有兩三次會跟住一齊做運動,保留返個運動習慣。」Suki認為孕婦做運動最緊要著重自己的身體狀況:「因為自己平時有做開運動,知道自己的極限去到邊,最緊要量力而為,覺得攰就休息,keep住有恆常運動就OK。」

正因為過往有做大量運動的習慣,加上腹中BB帶來的負擔,令她在懷孕期間倍感不適:「我一直有做重量訓練,同埋有中度脊椎側彎,身體肌肉左右唔平衡,有一邊肌肉會過緊,加上BB越嚟越大,腰痛情況都幾嚴重,有時會瞓唔到。可能肌肉真係太緊,我又無拉返鬆佢,所以有坐骨神經痛,有時行得耐會突然痹痛。」

除了每天拉筋,對Suki來說另一個舒緩方法就是Miris Mama的皇牌孕婦專屬按摩護理:「Miris Mama嘅孕婦按摩好溫和好舒服,唔會特別刺激穴位,好general咁幫你全身放鬆,邊啲位有痛症就稍為加強;我右邊身特別緊,按摩師都著重按多啲。因為身體肌肉係有連繫嘅,咁佢就好全面咁幫我放鬆全身肌肉,整體嚟講有改善。同埋一邊按摩BB一路喺度郁,好似條海豚仔咁彈來彈去,可能增加咗血流量佢都feel到。」


香港孕婦按摩資訊及價目表:https://goo.gl/yZiqJL

Miris Mama孕婦產後修身按摩專門店 優惠查詢及預約專線|6840 0488

Miris Mama孕婦產後修身按摩專門店 地址
銅鑼灣|尖沙咀|旺角|荃灣

Miris Mama銅鑼灣
銅鑼灣羅素街38號金朝陽中心38樓全層(港鐵A出口)

Miris Mama尖沙咀
尖沙咀加連威老道2-6號愛賓商業大廈15樓全層(港鐵B1出口)

Miris Mama旺角
旺角彌敦道580A-580F周大褔商業中心7樓全層(油麻地港鐵A2出口)

Miris Mama荃灣
荃灣眾安街68號荃灣千色匯1期22樓01-02室(港鐵B2出口)