280天 懷孕 孕育生命之旅

懷孕30週 – 陳小姐:好老公+好老闆=幸福準媽媽

280天 懷孕 孕育生命之旅 幸福準媽媽

懷有7個半月B女的陳小姐來到Miris Mama享受孕婦按摩,不忘分享懷孕的喜悅,她形容自己是一個幸運又幸福的準媽媽,最大的原因是有個好老公。

陳小姐憶述初時知道自己懷孕感到十分意外,因為她和老公結緍只有一個月,這個新生命實在來得有點突然;而老公的反應比她更大:「因為佢係一個好有愛心嘅人,嗰時佢返緊工,我係WhatsApp張相畀佢,係驗孕棒有兩條線咁,佢話自己流咗滴眼淚。佢平時返屋企都會攬同錫我嘅,咁嗰日就攬得特別耐囉。」

陳小姐不禁續說與老公的經歷,言談間不難發現擁有一個好老公是多麼幸福的事:「我知道自己脾氣唔好,所以一定要搵個脾氣好嘅老公,咁佢係好就我嘅。嗰時我哋拍拖無耐就打算結婚,不過因為我家姐一早結咗婚搬走咗,咁佢嗰邊仲有幾個兄弟姊妹可以照顧老爺奶奶,所以我要求佢同我爸媽一齊住,佢都OK。」雖然陳小姐說她懷孕後老公並沒有特別對她呵護備至,不過嘴角還是帶著甜笑:「啲人話父愛要喺BB出世之後先慢慢爆發,但佢都算係咁,每晚都同BB傾偈。」

除了丈夫,原來還有另一個男人讓陳小姐覺得自己是個幸福孕婦,就是她的老闆:「老闆自己有個女,佢好錫個女嘅,咁佢寶貝女最近啱啱生咗個孫畀佢,佢仲特登為個孫戒煙。佢老婆生嗰時都廿幾卅年啦,可能都無乜印象,咁而家佢個女啱啱生完,知道大肚婆辛苦,所以對我都特別體諒,平時我去產檢嗰啲都會畀我放假。」

280天 懷孕 孕育生命之旅 幸福準媽媽

抽筋影響睡眠質素 盼孕婦按摩可改善

陳小姐坦言懷孕期間都頗辛苦,尤其是水腫和抽筋問題,讓她很困擾:「有咗之後覺得自己肥咗,同埋有水腫,尤其夜晚對腳腫得好勁,沖涼嗰時望到啲腳趾腫到黐埋晒;同埋瞓覺會抽筋,抽一下醒咗,同抽成晚無分別,因為醒過個睡眠質素已經差好遠。」她樂觀地表示,眼見身邊朋友的妊娠反應比她嚴重得多,就覺得自己已經算是相當幸運。「而家心情係既期待又緊張,話晒都辛苦10個月,最期待就係見到佢嗰一剎那。不過佢而家個Size細咗一週,我要再食多啲嘢。」

來到懷孕中後期,隨著BB越來越大,負重增加,陳小姐都和很多孕婦一樣有腰痛問題。今次在Miris Mama試過皇牌孕婦專屬按摩護理後,覺得整個人放鬆了很多:「平時都會拉筋、散步,郁動多啲就會好啲。今次按摩就可以放鬆全新,尤其是條腰好舒服,對腳都感覺無咁腫,希望今晚唔會再抽筋啦!」

280天 懷孕 孕育生命之旅 幸福準媽媽