【經痛唔再需要止痛藥！】改善M痛好方法就係去做下暖宮喇?
之前提及過，我久唔久就會經痛。上個月又痛喇！
可能因為我平時又唔肯戒口，成日都忍唔到口食多咗雪糕同飲多咗凍嘢，
就令到個人體質都虛咗又宮寒！
所以我決定除咗食野要戒口，仲要學下好好保養子宮。
聽講針對性的穴位按摩有效舒緩經痛，但又懶得自己按，都係搵人幫自己按最好！
最近試咗Miris Spa嘅「草本暖宮經絡調理組合」覺得幾有效！一個療程就包括：「淋巴排毒經絡全身按摩理」、「薑根油紓壓袪風腹部按摩」、「御陽罐溫灸腹部護理」同埋「草本泥灸暖宮護理」
呢個暖宮療程有四項服務，一共85分鐘就可以放鬆身心，仲同時養生保健添，CP值好高！
啱曬我地呢啲成日手腳冰冷、怕凍嘅「宮寒」女生，仲可以改善月經失調問題！
一入到房嘅感覺就係空間好寬敞，未開始treatment已經覺得好放鬆，
而且連燈光都可以自己調節，好加分！
我就中意半暗嘅燈光，可以順便俾對眼 休息下！
以往觀念以為暖宮只會針對腹部附近嘅部位去暖下佢熱下佢就算?
但原來Miris Spa嘅「草本暖宮經絡調理組合」除咗會有幾項針對子宮嘅護理之外，
仲有埋全身通淋巴按摩，所以連經期引起嘅水腫症狀，腰背痛問題，甚至連肩頸酸痛都有效改善！✨
暖宮療程後感想
一開始，按摩師會用按壓嘅手法幫我疏通全身經絡，促進血液循環
令積聚嘅乳酸透過淋巴排出，為淋巴排毒
呢個通淋巴嘅過程好幫到我舒緩腰背嘅肌肉疲勞，
而且按完對腳仲冇咁水腫添
最正嘅係我咁怕痛都唔會感覺得到強烈嘅痛楚，仲舒服到想瞓著
之後就到「薑根油紓壓袪風腹部按摩」，同埋「御陽罐溫灸腹部護理」喇，
我腸胃一向都唔太好，好易肚痾，係名符其實嘅「玻璃肚」
呢兩個步驟係可以幫助促進腹部血液同埋淋巴液循環，
除咗保養子宮同埋卵巢，仲可以幫助去除體內寒、濕、毒，排便不順或肚痾。啱哂腸胃疲弱嘅城市人！
進行「薑根油紓壓袪風腹部按摩」時，薑根油散發嘅熱力，
會令到肚仔到感覺暖暖地，同時放鬆到肌肉，好舒服！
另外，按摩師係會用溫推嘅手法去幫我去肚風，
按壓肚仔穴位嘅時候聽到好多「good good聲」
按摩師話咁係因為我個肚有好多風呀
一路按肚都係咁放屁排風，好彩唔臭咋！真係辛苦曬按摩師；
完成「薑根油紓壓袪風腹部按摩」之後，按摩師就幫進行「御陽罐溫灸腹部護理」喇！
溫灸療法可以刺激到肚仔嘅穴位同經絡，令身體嘅寒氣得以排出，改善宮寒。
子宮溫暖，自然能夠減輕經期時嘅不適，甚至舒緩經痛問題！
最後就用泥灸暖敷肚仔去刺激穴位，而藥泥當中含有多種珍貴中藥材
包括當歸、藏紅花、杜仲等，配合埋熱力提升吸收效果，達至溫經散寒的作用，
啱啱開始敷嘅時候係個肚暖暖地熱熱地嘅，
但敷耐咗，草本泥灸嘅熱力滲透到身體，
慢慢就會感覺全身都有種溫熱感，好似由內到外都咁暖，
而且中藥味唔算好重，我覺得都幾好聞添！?
做完暖宮療程後嗰一個月，月經悄悄地嚟悄悄地走，冇再唔舒服！?
如果你同我一樣經常受經痛問題困擾，甚至有月經失調現象嘅話，
不妨試下Miris Spa嘅「草本暖宮經絡調理組合」，
實測表示非常有效呀！
另外順帶一提，Miris Spa新推出咗「漢方溫灸備孕護理組合」，
針對計劃懷孕女性嘅孕前體質調理，
想生BB嘅女性可以了解一下呀！
想體驗Miris Spa「草本暖宮經絡調理組合」就快啲去按摩優惠專頁登記啦！
延伸閱讀
繼「中女三寶」後的第四寶～Miris Spa草本暖宮效果實測
文章全部內容均屬Blogger Maggie的個人意見及感受，使用效果因人而異，並不代表該品牌／公司之言論及立場。
