【排毒養生】OL Blogger激讚— 保養神器~Miris Spa韓式排毒療程

OL的保養神器！清走濕熱唔怕失業！Miris Spa韓式養生療程

身邊唔少親戚朋友話羡慕我返Office工，覺得OL唔使成日企、坐喺度嘆冷氣好舒服、日日著靚衫返工。真係一句激嬲全世界OL！我日日OT坐足10個鐘、仲要畀老頂照肺，唔通又話你知咩！瘋狂OT喪食零食，朱古力、薯片、百力枝，唔高脂唔熱氣嘅都唔食，肥咗幾多唔通又話你知咩！日日唔夠訓，血液循環差咗，新陳代謝慢咗，連皮膚都差埋！放工返到屋企仲要比我阿媽逼我飲苦茶，話呢啲係濕熱症狀喎！仲成日比老頂照肺話我最近無黎神氣，做嘢又甩漏，講到好似想炒左我咁！唉！身體唔好就搞到咁！真係有冤無路訴！唔想「濕熱」變「失業」，我決定要認真搞搞啲濕熱毒氣，去濕一下先得！

上網search下，睇到Ｍiris Spa按摩店新出咗個韓式養生美體排毒護理組合，講到好似好好咁，一於去試吓。

1) 消除肌肉酸痛：人參抗氧全身按摩

佢個PLAN係包左幾樣野，一黎就同我做個全身人參按摩先，按摩師按到我肩頸位果時都話咁硬嘅！唉，緊係啦，日日返工對住部電腦成10個鐘，膊頭就快硬過我條命架啦！仲要成日無啦啦腰酸背痛，又比老頂笑我成個阿婆風濕病發咁，真係激死！就算平時我唔係好受得力，但係連專業人士都話我硬，緊係叫佢幫我按多啲肩頸同腰啦，我真係唔想再好似個阿婆咁肌肉酸痛，依道痛果道痛-.- 嘩，按落去果時都幾酸，但又幾鬼正，真係成個人都鬆曬！

2) 通淋巴排毒去濕：御陽罐無痛刮痧

做到咁上下，之後按摩師話用果個御陽罐（唔記得有無記錯個名）嘅工具幫我做無痛刮痧，話可以幫淋巴排毒。開頭我都好驚，車，你話通淋巴唔痛姐，我點知係咪真架？！唔好話刮痧，我平時連脫毛都覺得痛阿！阿，又幾神奇，心諗點解背脊除左暖暖地，feel到有野碌碌吓之外，無咩特別感覺嘅？！係咪真係刮緊架？按摩師已經同我講我個背脊已經起左痧，已經幫我身體排毒去濕，唔洗再做毒女啦！（人講唔信，照鏡就好明顯！）

3) 面部去水腫：能量熱石按摩Facial

做完刮痧，美容師好快就入左黎幫我做facial啦。平日比啲同事笑得多，話我塊面仲有baby fat好cute cute，好想搣吓，仲話好羨慕我望落咁細個喎！你都傻既！其實我十年如一日唔變嘅髮型係為左要遮住塊包包面就真阿>< 美容師開頭幫我清潔、針清同修眉先，最後做埋個熱石facial，話可以幫我塊面去水腫。啲熱石雖然細細粒（放心，緊係唔係得黃豆咁大粒啦），放喺面上暖暖地咁按又幾舒服，按完我個肥面豬登又真係firm咗，覺得無咁水腫囉，睇嚟去水腫效果真係唔錯！

做完依個treatment，咩毒都排走曬，塊面V左又精神左，老頂無得再借啲意炒我啦掛？！真係唔洗再驚「濕熱」同「失業」啦，Yeah！

總括黎講啦，以Miris Spa嘅裝潢同服務，只係$318就可以體驗130分鐘嘅由頭到腳嘅facial連按摩，真心覺得超值。不過真係成兩個幾鍾咁長架，做之前記住去定廁所先！順帶一提，如果想約到心儀嘅時間要提早啲上網比錢登記先，去到無額外收費。除左依個韓式養生組合，佢地好似仲有好多款唔同嘅按摩，岩鹽熱石按摩對排毒、養生都好似幾好！下次試完先再分享。