北上注意｜深圳按摩真係性價比高？小心誤入按摩黑店
- Hugh Tsui
- 2024年4月16日
- 讀畢需時 3 分鐘
北上注意｜深圳按摩真係性價比高？小心誤入按摩黑店
作為骨精嘅我，平時最中意就係做按摩同SPA，無論係香港又好去旅行都好，都一定係必去嘅地方。不過我就一直都未試過北上揼骨按摩，朋友就叫過我好多次，點知到我想去嘅時候就疫情爆發，最終等左三年先終於有得去試下深圳按摩到底好唔好，但冇諗過第一次就中大伏！簡直係貼錢買難受！
今次朋友就帶我去咗羅湖個頭嘅水療中心，去到一望真係一條街都係，多到數唔曬，最後朋友同我就揀左呢間水療。因為上網睇過話呢度有成2000多平方米，6層樓嘅休閒娛樂空間，集水療、美食、娛樂於一體，有超過24種娛樂項目，啲人話一日都玩唔晒，好似好吸引咁，當然要試下。
入到去一開始嘅收費其實係幾抵，我地Join咗一個$368嘅60分鐘按摩連埋入場費，而且就咁睇個環境同設施黎講係性價比都幾唔錯。點知原來呢個先係惡夢嘅開始…. 首先一入到更衣室已經見到地板污糟又多頭髮，共用毛巾周圍放，都唔知有無人用過，好似無人打理咁~衛生情況好麻麻，當我地換好衫係更衣室出黎嘅時候，冇諗過啲服務員已經搵我地拎Tips，而且係咩都冇做過嘅情況下仲要追出黎問，唔比仲好似唔放你走😱😱其實我地唔明點解可以咁，但費事煩所以我地最後是但比左$20佢地，佢地黑晒面咁拎咗就走開。(感覺仲衰過香港講嘅黑店….. 😵
去到按摩個part，嚴重覺得佢地係冇train 過同冇咩點休息，按起上嚟係是但按同冇咩力…過程中我完全唔覺得身體有好好relax到，而且按摩師用嘅毛巾好油，好似未清潔乾淨就用落我身上。骨精嘅我試過咁多間按摩店，哩次北上按摩可以話係我試過咁多地方體驗最差🤮本身其實諗住按完會留低玩埋其他設施，不過比按摩師搞到冇晒心情加埋d 服務成間按摩黑店咁，就決定按完就走。點知完左後，按摩師就向我地收小費，仲要要我地各人比$100，態度差之餘仲要黑面咁對我地講話其實可以比到$200…😡最後埋單總數over $1000！明明上網睇個個都話北上揼骨平靚正，點知仲劏得衰過香港啲所謂按摩黑店，係由頭劏到落尾…..真心冇下次‼️😭
因為體驗得太差，返到香港即刻搵下有冇按摩可以好好洗滌返我今次中伏經歷🥹咁岩Facebook 見到Miris Spa promote 緊佢地嘅岩鹽熱石身體按摩組合，Special Offer $238 已經可以按50 分鐘。雖然知道之後點都會有package price 會sell 下，不過上網都check 到佢地有寫住單次原價，起碼對我嚟講心入面有個底數就冇咁擔心係黑店，所以就約咗了。
入到去Miris Spa 荃灣分店，店內環境係我鍾意嘅奢華簡約風，感覺幾舒服。而且佢地仲提供六星級嘅酒店式房，睇落又新又大超有空間感，自然光透入，係放鬆身心嘅好地方。而且按摩之前仲有杯花茶提供，真心覺得Relax。
按摩師同我講，佢地係用到100%喜馬拉雅山嘅岩鹽熱石，再配合自家品牌Matina精油，以及獨有訓練嘅按摩技術，幫我全身按摩通淋巴。
成個按摩過程中，按摩師都會用岩鹽熱石順住身體經絡穴位推按，進行全身按摩。今次按摩師嘅手勢非常好，相比起去深圳按摩個次真係差天共地。佢特別幫我加強肩膀、雙腿等比較疲勞嘅位置，冇諗過岩鹽熱石加埋到位嘅按摩手勢，做完即時感覺到頸肩酸痛都得以舒緩。
