回頭率MAX！2024觀塘寶藏按摩店推介

好多人討厭觀塘，因為觀塘塞車嘅程度真係令人聞風喪膽，但其實唔計呢樣嘢，觀塘真係一個收埋好多寶藏小店嘅地方，只要用心去發掘，就會掘到好多隱藏高質café、outlet、party room、影相studio等。而觀塘嘅按摩店就係其中一個好值得探索嘅打卡點，你會發現原來喺呢個咁繁忙嘅地方，都可以有身心完全放鬆嘅空間，令你開始慢慢愛上觀塘！推介以下幾間按摩店，都係觀塘好去處之一，好適合收工或者weekend同三兩知己好好去relax一下！

寧心軒

環境舒服乾淨，技師力度好夠，又有熱茶毛巾，而且收費夠透明，只係淋巴排毒按摩可能唔夠正宗，只屬普通按摩。鐘意力度夠大、target只想按鬆肌肉的話不妨一試。

性價比:★★★★
地址：觀塘巧明街115號柏秀中心16樓A室

Jasmine corner thai massage

好正宗嘅泰式按摩，精油推拿尤其舒服，好容易就按到訓著~缺點係比較赤裸，因為環境偏細而且開揚，按摩椅係一字排開咁用塊簾遮住（真係好泰式），怕醜嘅I人可能會偏向需要獨立房~

性價比:★★★
地址：觀塘成業街19-21號成業工業大廈13樓02室

綠島Spa & Massage

日式庭院風主題非常小清新，感覺休閑又溫馨，即刻有愛~回家嘅感覺。按摩項目有超過10款，包括腳底按摩、穴位按摩、全身磨砂、香薰推油同埋淋巴排毒按摩等等。設有獨立單人、雙人房以及按腳區，缺點係房間唔隔音，如果人多的話，外面客人同按摩師對話會好清楚，嘈雜嘅環境可能會令你無辦法好好休息。

性價比：★★★
地址：觀塘成業街19-21號成業工業大廈205室

Miris Spa岩石按摩專門店

Miris Spa岩石按摩專門店分店遍佈香港、港九新界（包括銅鑼灣、荃灣、觀塘) ，而且全部距離地鐵站都只有5分鐘~非常方便。環境質素方面可以媲美六星級酒店，乾淨衛生之餘，裝修風格華麗high-end，而且設有VIP式獨立房間，對住無敵大海景，未開始按摩已經令人心曠神怡๑¯∀¯๑

服務方面，推薦佢哋全港首創嘅岩鹽熱石按摩療程，利用來自喜馬拉雅山嘅有機礦物粉紅岩鹽熱石，配合自家品牌MATINA®抗浮腫精油做全身按摩，能夠即刻放鬆繃緊嘅深層肌肉、去除體內濕氣、好啱壓力大又成日覺得好攰嘅香港人，夜晚都訓得好啲！另外仲有超過30幾款美容養生項目，例如美容纖體修身、草本暖宮、岩鹽熱石、淋巴排毒等任君選擇~