真心推介！今次有Blogger TracyIsAwesome親身體驗過Miris Spa專為女士而設嘅草本暖宮經絡調理組合後作出分享。不論你係唔係中女，只要時常覺得手腳冰冷或血氣不足，就要留意以下呢個勁舒服嘅暖宮按摩療程。人人話「中女三寶」暖水壺、頸巾、潤手霜係女人必備，從今之後中女第四寶就要誕生喇！
成日聽人話子宮係女人第二個心臟，以前無呢個概念。後生時無理過，Period期間都照飲凍嘢食雪糕、冬天著超短裙，絲襪都唔洗著…而家踏入中女年紀，出街見到啲小妹妹天寒地凍著咁少布，真係忍唔住心諗「老咗你就知！」唔抵得冷不特止，喺Office凍到要著羽絨；大熱天時手腳冰冷，冬天包到似隻糉；成日容易攰，抵抗力又差…講真，女人去到我哋呢啲年紀，真係要注意吓調理身體。朋友介紹話Miris Spa嘅草本暖宮經絡調理組合可以改善體質，價錢又唔算貴，我都忍唔住要去試吓。
淋巴全身按摩+薑根油溫感按摩 疏通經絡兼排毒
為咗令treatment更有效果，按摩師先同我做全身通淋巴排毒，再用薑根油輕輕按我個肚，暖暖哋嘅感覺由下腹慢慢滲透全身，好舒服！按摩師話薑根油可以促進血液循環，驅走寒氣；加上通淋巴好處係可以疏通全身經絡，除咗令我身體放鬆，亦都令之後療程所用嘅天然草本功效更易發揮。比起用通淋巴機，呢到係用全人手做通淋巴按摩，而按摩師的淋巴按摩手法正宗，亦令到成個按摩體驗加哂分！
御陽罐溫灸+草本泥灸 保養子宮調理身體
通完淋巴又做完薑根油按摩，按摩師拎出一個叫「御陽罐」嘅東西幫我做溫灸。御陽罐類似一個會發熱嘅按摩器，唔少中醫都會嚟做刮痧同推拿，比起一般刮痧唔痛之餘，效果更顯著。按摩師用御陽罐輕推腹部，呢個溫灸功效可以改善經痛同腸胃問題，好好保養子宮和卵巢。
＊Miris Spa草本暖宮第一次試後感
～Miris Spa門面好grand好光鮮，似係做闊太生意
～初時擔心會好似啲美容黑店咁畀啲SALES強迫消費，不過最後都無，長達85分鐘嘅療程，全程都好舒適，無hardsell
～按摩師好專業，而且手勢好好
～做完身體feel到一股暖流，無再覺得沾寒沾凍
～成個人放鬆咗，無咁繃緊，有如沐春風嘅感覺
＊效果實證：做完三次之後身體開始改善
～唔再手腳冰冷
～無之前咁怕凍
～最近嚟Period唔單止無痛無唔舒服，而且經量同顏色都比之前正常得多
～精神好咗，面色紅潤
～抵抗力好咗，無咁易傷風感冒
Miris Spa嘅呢個草本暖宮調理特別適合受經痛腹脹、宮寒體虛、月經不適、血氣不足、手腳冰冷等等困擾嘅女士，有效可以調理痛經、改善宮寒等婦科問題。
Miris Spa推出咗草本暖宮調理嘅優惠組合價，只係$688就可以做3次，每次85分鐘包4個項目。我喺網上登記畀錢之後，佢哋好快就有人聯絡我confirm booking。
優惠詳情可到佢哋嘅按摩優惠專頁了解更多
做完3次treatment感覺到身體開始有明顯轉變…而家先知原來下半生幸福就在下半身！保養好子宮真係好重要，這個錢值得花、而且應該花！以後我都打算KEEP住做～
Miris Spa岩石按摩專門店
